O VARAL

EDITADO POLA LNB [ Liga Nacional de Billarda ] >>>>>> ovaral@hotmail.com

terça-feira, abril 11, 2017

A LNB ESTREA EN POIO O PRIMEIRO CAMPO PERMANENTE DE BILLARDA ...UN ESPAZO CEIVE E LIBERADO DA REPUNANCIA DEPORTIVA!!






















No restaurante A Gata Meiga de Poio é donde se garda a mítica Coroza coa que cada Play Off Nacional se viste o campi@n  absoluto , e moi preto do acougo da coroza unha histórica acción aconteceu ista find. coa inauguracion do primeiro campo de xogo permanente destinado á práctica da billarda por obra e graza do concello de Poio.















A LNB atopu un aliado niste concello pontevedrés para por en marcha unha brutal experiencia piloto cun espazo billarda para o desenrolo do noso deporte nacional que ogallá sirva para espallar a idea por todos os recunchos do país. Dous varais permanentes e meterial sempre  á disposicion de calquera que queira por a bruar as billardas , son os elementos básicos  sobre os que pivota ista pista iniciativa que axuntou en Poio iste pasado sábado 8 de marzo do 2017 a palanadores e palanadoras de todas as conferencias para inaugurar iste campo base LNB.















Espectacular album da voz que amosa ás claras o exitazo da inauguración do campo permanente , un espazo que aínda que destinado á practica da billarda na LNB desexamos que sexa aproveitado multidisciplinarmente por disciplinas do deporte galego de seu coma as chegas de bois , a loita galega , a chave , os bolos ou a porca. Campos permanentes de Billarda ...espazos ceives e liberados da repunancia!! 

segunda-feira, abril 03, 2017

OS CARABULLOS ASALTAN A BOLA DE LISCOS E XAN RODIÑO DESEMBARCA NO TEMPLE!!



















A bola de liscos e a tribo toda da Norleste tivo que buscar territorios alternativos por mor do impracticábel do campo de Vián. O pavillón municipal de Bretoña era o espazo predisposto pero a tarde e o voo das cigoñas invitaba ao risco de invadir o campo de futbol anexo...



















elección correcta a de deixar que as billardas e os palanadores aloitaran pola bola de liscos a ceo aberto...


















a brisa chairega e as raiolas de sol golpexaban o pelexo dos palanadores e palanadoras que converteron cada golpexo nunha brutal exaltacion e apoloxía dos liscos e das freces.



















Ao final Carabullo fixo bicar a lona ós todopoderosos Billardeiros Musicais , consolidandose a equipa chairega coma unha temíbel franquicia fóra da gaiola dos pavillóns..


















E mías cando  dous seus palanadores , Charli e Javi Moran fixéronse con primeiro e segundo posto respectivamente condenando a Daniel ó terceiro andar do podium


















E ó día seguinte na NorOeste , novo record absoluto de asistencia rozando za o medio cento de activistas LNB na pista do Temple en Cambre.


















O exitazo do Billarda All Stars de Laxe xestionado pola Noroeste está a reflectir xa directamente nos seus cada vez máis multitudinarios Abertos


















Novena xornada da Conferencia Noroeste de Billarda,celebrada na pista polideportiva do Temple (Cambre).
Campión:Xan Rodiño.
Subcampión:Eduardo Garcia.
Terceiro:Luis Camiña.
Campión infantil:Juanma

sábado, abril 01, 2017

ISTA FIND. IREMOS DE VIÁN Ó TEMPLE POR TERRAS LIBERADAS!!



















Iste sábado a serpe multicor da Norleste retorna á actividade e faino ensinando os dentes con candanseu varado nas bravas terras de Vián. A terra chá luguesa de acolle de novo unha enganchada transcendental no circuito billardeiro da conferencia mar que xa perfila a súa restra de clasificados cara ó sanguento Play Off Nacional_2017.

















Unha sangue que xa inundou os regos e corredoiras  a semana pasada en Mourente donde preto dun cento de activiatas LNB converteron o Aberto puntuábel da Conf, Ríasbaixas nunha multitudinaria e salvaxe treboada de pinchas e cachizas famentas de Coroza...















Unha Coroza cuxa imaxe estará presente tamén iste domingo no gran Aberto do Temple en Cambre donde a tribo da NorOeste dende as 11 da mañá desputará o seu gran torneo puntuábel , un paso máis para @s activistas atlánticos que despois do puñetazo riba da mesa co exitazo do Billarda All Stars_2017 queren por a guinda ó pastel preparando o asalto defitivo á Coroza dun dos seus palanadores ou palanadoras no vindeiro Play Off Nacional....ista find, iremos de Vián ó Temple por terras libradas , porque a forza da cada un dos nosos varados non pode ser inutle!!

segunda-feira, março 20, 2017

DA ZAPATEIRA A LAXE, A LNB TENSA O ADIVAL DA HISTÓRIA CUN EXPLOSIVO ALL STARS_2017 NA COSTA DA MORTE!!















A noite dun Billarda All Stars sempre é máxica e máis máxica e salvase é se a tribo LNB desemboca despois dun día enteiro de varados e furia coma unha larada de lobos e lobas famentos diante dun esceario con 12labirinto e os seus compañeiros de grella artistica , Xenderal e Druidas da Rolda



















Arrincaba unha histórica  xornada no espectacular marco da praia de Laxe cun multitudinario concurso de tripas e varados que pola súa gran afluencia impedía que se celebrase o mítico concurso de mates que para unha vindeira edicion quedará














Xantar de luxazo no restaurante o Pino  donde as diferentes confluencias da LNB presentes en Laxe  mentras lle metían o dente á carne fresca e lle petaban ó viño e likor estableceron os tecidos para os futuros asaltos














Pero ademáis da multitudinaria asistencia e da gran xention organizativa da Noroeste , iste All Stars Laxe:2017 pasará á história pola espectacular retransmision en tempo real polo Facebook-Live , unha incendiaria version de Tele-Varal ao vivo que converteu ista edicion do partido das estrelas no máis seguido de todos cantos se teñen celebrado. Explosivas doses en forma de estalos a pé de pista con Serxio coma enviado especial e Xosé Miguel coma cámara alebrestrado fixeron posíbel iste gran suceso que eclipsou totalmente o partido de Galicia vs Francia de futbol gaélico emitido pola Galega.




















E sobre a area de Laxe no lusco e fusco desputouse o gran partido das estrelas no que palanadores coma David Fontan tensaron o gran adival da LNB que une Laxe co primeiro Billarda All Stars celebrado na Zapateira da Coruña.
















Xosé Collazo foi o gran campión do concurso triplas-Varados All Stars_2017 e o mítico Ivan de Furabolos da Conf. Centro foi o campión absoluto no partido das estrelas. Paláns e alto porque o vindeiro Billarda All Stars por primeira vez na história desputarase no hemisferia sul do país...Billarda Sempre , Adiante All Stars!!

sexta-feira, março 17, 2017

BILLARDA ALL STARS_2017 >> UN FEIXE DE ANOS DESPOIS AS ESTRELAS, OS MATES E OS VARADOS RETORNAN Á GRAN CONF. NOROESTE!!






















Despois dunha infinidade de varados o all stars retorna á conferencia mae do partidos das estrelas , da Zapateira da Coruña á area  ás cuncas da praia de Laxe.















Un programa espectacular dun billarda all stars-2017 que foi apresentado cunha incendiaria  Palestra LNB en Laxe acompañada dunha brutal instalacion artitistica e audiovisual...















Todo elo enmarcado co arrecendo dos suores e xuramentos da exposición itinerante Fiestras da Liberdade , 10 anos de actividade e hiperenxebrismo . Iste sábado mates , varados , tripas , estrelas e chipiños de likor café en Laxe e no universo billardeiiro enteiro co Tele-VARAL live no facebook oficial da LNB Noroeste ...All Stars Sempre , Adiante co Varal!!

domingo, março 12, 2017

VARADOS NA PRAIA E GROLOS DE VIÑO E CERVEXA ARTESÁ OLLANDO CARA A LAXE _BILLARDA ALL STARS_2017!!















Os activistas da Noroeste xa están emparandose de area e salitre na praia da Laracha entumecendo os seus ósos e paláns coa brisa atlantica para dentro dunha semana desfrutar da explosiva nova edicion do mítico Billarda All Stars . Triplas , mates e sen fin de varados e activiades inundarán a praia de Laxe iste vindeiro sábado .


















Como previo de luxo o gran aberto do Río Umia ista find . no que os palanadores e palanadoras da Conf. RíasBaixas afogaron entre varados , viño LNB e cervexa artesá as súas ansias de abrazalas estrelas. Viño LNB dos Caselledin que vale tamén para bridar polo gran triunfo que suporá dentro duns días a primeira emision  en directo pola Galega dun partido de futbol gaélico, e cervexa artesá galega e billardeira para bebela dun grolo e arrebolarlle ós directivos da devandita canle a botella ós fuciños para recordarlles que aínda está pendente a retransmisión dun partido do noso deporte nacional ...Billarda Sempre , Adiante co viño e cervexa galego indíxena e artesá!!  

sábado, março 11, 2017

AQUÍ A TERRA E ALÍ O PORCO CHATO MURCIANO!!


















A LNB estivo de promo internacional cun brutal estalo que se emitirá nun par de semanas no "Aqui la Tierra de tve1"


















O día anterior á gravacion no espectacular marco do campo fronte á mítica estatua do gaiteiro galego da Santa Cruz de Ribadeo , emitiuse no programa unha reportaxe referida á recuperacion do porco chato murciano , unha laboura equiparábel á que se está a facer no páis co porco celta , que levan sobre unha ducia de criadores de cocho disas terras que no caso de celebrarse un aberto en terras murcianas dende logo apostariamos porque xirase sobra a figura diste gran cocho mouro de fuciño chato.


















e
Vai sintonizando pois o teu aparello para dentro duns días desfrutar do gran estalo billardeiro que se emitirá no programa da tve1 entre as 20:30 e 21 h. da tarde...Billarda , Terra e Porcos Sempre!!

domingo, março 05, 2017

#FAITEOUVIR ....NA LNB AS NENAS TEÑEN PALÁN E OS NENOS TAMÉN!!



















A sempre polémica Guagua serigrafiada da LNB co lema das nenas teñen palán e os nenos tamén
 un ano máis fixo parada e fonda en San Miguel de Reinante para a desputa do Abertinho non puntuábel do San Rosendo coordiando polo gran selecionador nacional Manolo Flores.




















Un Abertinho que edición a edición colle pulo e forza no gran almake da LNB que nista enganchada do 2017 contou cunha espectacular nómina top de palanadores da mariña e da chaira.



















ás xa coñecidas e recoñecidas estrelas da conferencia mae que se deron cita en San Miguel sumaronse novas promesas que se estrearon na competicion como foi o caso do gran palanador da Pontenova Carlos que da man do capitan Satxas das Troitas Bravas agarrou o palán para de seguro xunguirse a el para non ceibalo xamáis ó igual que o resto de exercito de  doentes da billarda



















Un exercito regular billardeiro que xa ten entre as súas filas a un outro referencial Troita Brava como é Navallo , o indomábel palanador do EoNavia residente e resistente en Castropol , con nome de tribo indíxena americana , foi un dos pilares dun gran Aberto que con cadanseu golpexo alumeaba coma un lóstrego a pista da festa de San Miguel de Reinante.



















Uns lóstregos e un ar enfurecido que tumbou o esceario da orquestra Trebol mais que permitiu unhas horas antes de suspenderse a festa a explosiva entrega de premios do gran Abertinho do San Rosendo_17 co Ekipa-Bítere Xermán Viluba aferrado ó espectacular Lacón de seis kilos que o acredita coma campión absoluto nun podium acompañado por Daniel abrazado á cachuca coma segundo clasificado e Manolo Pozo bicando as dúas restras de chourizos coma terceiro clasificado..Racha co apartheid anti-indíxena , colle o palán e #FaiteOuvir!!

terça-feira, fevereiro 21, 2017

O CADAVAL EXTENDE O SEU PODEROSO MEXO DE LOBO DENDE O CANDELORIA-LUGO Ó ABERTO DA TARTA DE MONDOÑEDO!!



















EN MONDOÑEDO FOI COMO SE TODO SE PARARA...FÓRMANSE ESTALIDOS , REDONDÉNANSE LOMBOS E MURIEGO DINOS ALGO TREMENDAMENTE PEDRA.



















Pepe Vidal asaltou o podim Mindoniense e fíxose coa gran Tarta autóctona que o acredita coma campión absoluto dista nova edición do Aberto na vila  de Cunqueiro . A imaxe do podium contrasta e ó mesmo tempo exemplifica o brutal impacto social que ten billarda no seu propio ADN  , a veteranía do gran palanador de Cadaval cos xovesncísimos Tomas e Rubén cos que comparte xornada de gloria.




















Máis de medio cento de palanadores e palanadoras participaron nista oitava edición do xa mítico Aberto da Tarta de Mondoñedo...un xeito alternativo de pescudar novas experincias sobre o chan da psita dos Remdios o que outros van buscar nas profundidades da cova do rei cintolo



















Pese a non poder asaltar o podium , sen dúbida , Angel de Billarda Verde , a franquicia con sede na Chave das Noces de CastroVerde, foi un dos grandes protagonistas da xornada , xogou a final polo terceiro posto e pese a quedar fóra dos tres peldaños bañados polo cabelo de anxo das tartas deixou fonda pegada do poderío seu en particular e da súa equipa en xeral . E ademáis do xogo non podemos deixar á marxe a súa querencia pola moda aplicada ós seus pantalóns , nun intre no que se está afirmando que o mexo de lobo é o unico remedio válido contra o asedios dos xabaríns ás leiras de millo e de todo tipo de cultivo , Angel aplica metaforicamete ista premisa ó seus vaqueiros que semellan teren sido atacados polo fero e marabilloso animal dos montes galegos para ó vestilos posuir a súa raiba , forza e precision en cada un dos varados na pista.


















Non é que os lehendakaris muertos viñeran de lugo-candeloria no seu coche oficial para adesputa do Aberto a Mondoñedo , senón que a billarda como desporto extremo que é non quere ambulancias nen botiquíns, nen padiolas ....a pé de pista . senón que o único vehículo que espera é o cocbe da funeraria unico tranposte posibel para o palanador ou palanadora en quebranto na pista da LNB.
















Un quebranto que houbo a feixes ben entrada a noite no festival da Candeloria de Lugo donde os Lehendakaris e a LNB coincidían de novo despois duns anos atrás ter outra vez colapsado en Chantada. Pepe de Outeiro nunha final de infarto que paralizou o sábado no lusco e fusco ó país enteiro por medio da histórica retransmision ao vivo de Tele-Varal Facebook-Live, alí puidemos seguir dende calquer recuncho do mundo o sufrimento de Viqueira ó ver como se lle escorraga o triunfo coma a auga entre as dedas e ollar a felicidade de Pepe ó verse asaltando o primeiro posto no podium. Completou o tridende histórido do Candeloria_2017 , o palanador-Maradoniano Ismael de Outeiro cun gran terceiro posto.




















Unha imaxe e unha verbas , as de Tomas  , recibindo no podium a Tarta de Mondoñedo que o acredita coma segundo clasificado no Aberto Cunqueirense , - É unha emocion e un orgullo moi grande recibir de ti Flores iste gran trofeo .Unha admiracion que é extensíbel ó terceiro clasificado o xovencísmo Rubén que sempre amosa o seu resteito máximo á figura do noso gran seleccionador nacional tanto na pista de xogo coma cando del recibe os premios no podium.





















E como xa é habitual entre bítores e apupos, como a franquia a bater que sempre son ,  recibirom os Billardeiros Musicais o espectacualr Botelo da LNB, o premio á mellor equipa da xornada




















E por se non fora pouca mostra de fraternidade ó espírito da LNB agradecer con isas verbas a entrega da Tarta de Flores, Tomas e o resto da tribo carabullo dirixíronse ó templo mindoniense do indixenismo-billardeiro chamado O Valeco , para compartir o exquisito trofeo e bañalo en viño , cervexa ....e emocións compatidas...Billarda e Valeco Sempre , Adiante co Varal!!

sexta-feira, fevereiro 17, 2017

AS BILLARDAS NAUFRAGAN NAS MADRUGADAS DE LUGO E MONDOÑEDO!!


















Afrontamos unha brutal finde na que gorxa e o palán se preparan para combinar o paladar co perigoso sabor salgado do Aberto de Billarda no festival Candeloria de Lugo e o Aberto das Tartas de Mondoñedo...





















Iste sábado o exterior do pavillón de feiras e congresos de lugo arderá apartires das 16:30 h. co Aberto de Billarda do Candeloria_2017...un previo perfecto para que os lehendakis dende o esceario expresen a súa admiracion polos osos panda , Maradona e @s da LNB , únete á xente e fauna perigosa / inscripción: 676.597050!!
























E o domingo a serpe multicor transladarase de Lugo a Mondoñedo coas rais continuas , os cubatas e as cuncas de viño escorregando pola faciana en forma de lagañas para a iso das 15 h asaltar as lastras da mítica Alameda dos Remedios. Deixareemos a ialma , o fígado e o alento en cada Varado na loita polas tartas aborixes do vello e o novo Simbad!!

terça-feira, janeiro 31, 2017

BILLARDA , LACÓN . VIÑO DE VILABOA E ENCROBAS SEMPRE!!















A tribo da NorOeste rachaba a mañán do domingo cos seus poderosos varados en homenaxe á loita e resistencia nas Encrobas.















As billardas coma radical  soporte poético-literario estanse a impoñer nas pistas da LNB e en cada recuncho do país donde un berro xordo precisa das nosas billardas impresas, nengún sitio mellor que ó carón do busto do referencial Moncho Valcarce apousentar o noso fero ouveo de carraxe e resistencia indíxana.















Un aberto das Encrobas que tivo moitas derivadas , entre eleas o pase do documental " unha muller que pasa-silencio" nun centro social ateigado de xente que puido desfrutar tamén da exposicion itinerante de cartaces e estalos dos 10 anos de activiade e hiperenxebrismo da LNB.



















E das Encrobas a Meira , non corazón da terra cha luguesa celebrábase na tarde do domingo unha nova edicion do mítico Aberto do Lacón.




















É tempo de cocidos e de apoloxía da matanza , son moitos os fogares donde aínda os cochos colgan abertos das bigas , en poio do dereito a matar na casa a LNB coroou ó gran palanador dos Billardeiros Musicais Manolo Pozo coma gran campión do Aberto do Lacón. O palanador ribadense despois de asaltar varias veces os podiums da Noroeste por fin en Meira racha o xeo na conferencia mae , que é a súa natural , e faise co primeiro ó carón de Pepe de Outeiro coma segundo clasificado e Franco coma terceiro.



















Un día antes , o sábado en Vilaboa , un novo aberto multitudinario irrompía na Conf. RíasBaixas, no máis alto Ricard lanznado ó carón da súa billarda a mensaxe de que quen tivo coroza retivo xestas , unhas xestas e un xogo que poden facer que a final de tempada a Coroza volte a cubrir o seu fibroso corpo de atleta-LNB....Billarda , Lacón, Viño de Vilaboa e Encrobas Sempre!!