O VARAL

EDITADO POLA LNB [ Liga Nacional de Billarda ] >>>>>> ovaral@hotmail.com

sexta-feira, setembro 28, 2007

TODA A INFORMACIÓN DEPORTIVA DA CONFERENCIA NORLESTE NO SEU NOVO BLOGUE OFICIAL!!

Absolutamente conmocionados pola xa cada vez máis próxima irrupción na pista da Zapateira da conferencia Noroeste con epicento na cidade da Coruña o inicio de tempada na conferencia irmá fixo necesaria a irrupción en escea do web oficial da conferencia NorLeste, aquí poderedes seguir as clasificións nas principias táboas clasificatorias e ler as actas oficias de cada partido e moi atentos porque niste mesmo web ides poder descargar as fotos oficiais das nove franquicias que compiten nista conferencia, mentras na TENDA-LNB poderedes seguir adquirindo material deportivo e consultar o calendario para ista tempada 2007-08 que xa tendes á vosa disposición. Acabicórnate coa serpe multicor da LNB!!

segunda-feira, setembro 24, 2007


1º CARREIRADA DA XORNADA PATROCIANDA POLA CERVEXA SAN MIGUEL. ZIDANE vs CHEMA. Todo o que se diga É pouco , TELE-VARAL retransmitíu xunto coa Galega ista histórica carreira na que Juan Pico contou cos espectaculares comentarios de Sak membro da conferencia NorOeste con epicentro na cidade da Coruña. E como traca inicial xa podes descargar o tema Achicando as pozas, B.S.O construída en exclusiva para a LNB por ZIMMER103 coma trepidante psicofonía alieníxena para o deporte da billarda, qué forte que forte , comezou a SUPERLIGA que o demo reparta sorte!!

A SUPERLIGA DE BILLARDA 2007-08 BOTOU A ANDAR!!

Conomoción absoluta no deporte galego de esencia tradicional , arrincou ise gran catro eixos chamado SUPERLIGA GALEGA DE BILLARDA que no seu interior carrexa a máis perigosa e explosiva das cargas posíbeis, a da emoción e a da constancia duns palanadores e palanadoras que en cada golpexo da madeira contra a madeira se reivindican coma deportistas e coma militantes disa tribu chamada LNB. ás 16 h do domingo 23 a pista da Anguieira a mesma que víu nacer fai uns anos a pequena miñoca LNB agora convertida en gran serpe multicor , vestiuse de gala para recibir ós máis de 50 palanadores e palanadoras englobados nada máis nen nada menos que en 9 franquicias que inicaban a competición da mellor liga de billarda do mundo. E como non podía ser doutro xeito , centos de afeccionados a iste deporte que se espalla coma o lume na herba seca en terras galegas , asturianas e portuguesas se deron cita para apoiar de xeito enfervorizado dende as improvisadas bancadas ós seus equipos na pista.
Bruaban as gradas , sobresaíndo os siadeiros dos debutantes Billardeiros Musicais, que facendo honor ó seu nome de xeito enfervorizado apoiaban as acción do italo-galego Franco , Lourenço ou Hugo que arrincaban a cada golpe ó igual que os seus compañeiros os aplausos dos seus seguidores, máis comeidos e concentrados se amosaron os outras cenicentas na competición , Os Remurelle-Bulls chegaron á Anguieira dispostos a asimilar o máis axiña posíbel sistemas de xogo dista competición que racha moldes e poucoa pouco ir arrincando chantos no cabeza da clasificación. Outros que debutaban como franquicia eran os Piratas da Billarda, sen dúbida a gran sorpresa da xornada e de seguroda tempada , son os máis xoves da competición pero demostraron unha veteranía importada da súa militancia nas división inferiores da LNB , Cistian , Lía e os dous Adriáns xa amosan credenciais para estar no máis alto a final de tempada.
Pero ademáis das novas franquicias as xa existentes luciron as súas nova incorporacións , a desvandada sufrida pola EkipA foi paliada polas incorparación do eléctrico Xosiño, o Mesi da Billarda que xunto con Edelmiro de seguro fan renacer das cinzas á ista historica franquicia, un exEkipA coma Iván brilou de novo no Sporting Petapouco e as Fanecas Bravas con Luisa , e a fichaxe da palanadora urugaia Pamela ven fortalecida o seu poder anotador . Así as cousas O Varal ofrece un adianto resumido das principais táboas clasificatorias que serán completadas no especio patrocinado pola TENDA - LNB : Hugo ( Billardeiros Musicais) , Suso (Remourelle-bulls) , Rafa ( Tronos do Masma) , Cristian ( Piratas da Billarda ) e Ivan ( Sporting-Petapouco) lideran a clasificación xeral con 6 puntos e Billardeiros Musicais, Remourelle Bulls con 18 puntos seguidos dos Tronos do Masma con 16, Sporing 14 encabezan a clasificación de Franquicias, comezou a SUPERLIGA !!

sexta-feira, setembro 21, 2007

ARRINCA A SUPERLIGA GALEGA DE BILLARDA!!


DOMINGO 23 ÁS 16 H , NA PISTA DA ANGUIEIRA EN BARREIROS (LUGO) ARRINCA COA FORZA DUN XABARÍN FERIDO A NOVA EDICIÓN DA SUPERLIGA GALEGA DE BILLARDA E COMO TRACA INICIAL SOARÁ NO CASSETE DA LNB ZIMMER103 CUNHA SINPHONÍA ALIENÍXENA ESPECIAL QUE SE VAI CONVERTER NA B.S.O PARA UN DEPORTE QUE ARRINCA CHANTOS E INVADE AS LEIRAS . AGARDÁMOSTE PARA ACABICÓRNATE COA SERPE MULTICOR DA LNB, COMEZA O ESPECTÁCULO!!

quinta-feira, setembro 20, 2007

IRROMPE A 1º CARREIRRA DA XORNADA DA HISTÓRIA > CHEMA vs ZIDANE!!

Os reloxos andan lentos coma coscos xa que os palanadores e palanadoras da mellor liga de billarda do mundo están desexando xa, romper coa tensión e o nerviosismo das horas previas ó inicio da tempada, pero, sobre todo dous palanadores estarán máis excitados e concentrados ca ninguén. Como xa anunciabamos a LNB xa elexíu os bois que van turrar na primeira e histórica chega billadeira da CARREIRA DA XORNADA, por unha banda Ismael, O Zidane da Billada o experimentado palanador dos Cornería-Team vai ter enfronte a un emerxente e debutante deportista na SUPERLIGA, Chema dos Billardeiros Musicais debuta ó grande nista primeira carreira da xornada da historia patrocinada polo distribuidor oficial da cervexa San Miguel no NorLeste galego. TELE-VARAL ultima preparativos para xunto coas cámaras da GALEGA compatir os dereitos de retransmisión dista histórica data, a do domingo 3 de setembro na pista da Anguieira de Barreiros. Non hai cura para o veleno da picadura da serpe LNB!!

quarta-feira, setembro 19, 2007

SALTA MUROS E ALAMBRADAS....FALTAN SÓ 105 HORAS PARA O INICIO DA SUPERLIGA GALEGA DE BILLARDA!!

Iste domingo 23 de setembro comeza o gran espectáculo da SUPERLIGA GALEGA DE BILLARDA, paláns en alto de novo para tentar acadar a gloria que só uns poucos da grande tribu de palanadores epalanadoras poderá acadar. Participación histórica na conferencia NorLeste con epicentro na mariña de Lugo donde van ser nada menos que 9 franquicias as que inicien carreira a partires da 15:30 h. na pista polideportiva da Anguieira , o mesmo cemento que víu nacer e reproducirse á LNB. Ós Sporting Petapouco, Fanecas Bravas, Bíteres, EkipA SaFaRi , Cornería –Team , Tronos do Masma únenselles as novas franquicias dos Piratas da Billarda , Remourelle-Bulls e os Billardeiros Musicais para facer dista terceira edición da SUPERLIGA GALEGA DE BILLARDA a máis competitiva e electrizante das nunca antes desputadas. As rúas e os carreiros da Galiza xa ferven porque faltan só 105 horas para o inicio do gran espectáculo, moi atentos á pantalla porque a LNB xa ten escollido os protagonistas da primeira CARREIRA DA XORNADA , que enfrontará a unha máis que consolidada estrela do deporte da billarda cun debutante que amiaza con destronar todos os moldes dista competición que inicia a súa intensa conta atrás.....

segunda-feira, setembro 17, 2007

APRESENTACIÓN MUNDIAL DO ORGANIGRAMA COMPETITIVO DA SUPERLIGA GALEGA DE BILLARDA!!

Todo listo para que ista fin de semana se volte a vivir , ulir e palapar a loucura dunha fin de semana de SUPERLIGA de Billarda. Foron un par de meses de angustiosa espera que agora xa chegan ó seu remate . O Varal apresenta o organigrama competitivo que a LNB vai desplegar durante ista edición da SUPERLIGA con dous frontes abertos, un con epicentro na cidade da Coruña , a conferencia NorOeste e outro con epicentro na mariña de Lugo , a Conferencia Norleste, niste última coa participación histórica de 8 franquicias que engloba a 50 palanadores e palanadoras que obrigou a reestructurar a competición e establecer dúas series A e B de igual rango entre as dúas das cales sairán os elexidos para loitar en Compostela nos play-off polo título final. Moi atentos á pantalla porque con primeira xornada da Superliga chega a explosión da primeira carreira da xornada que moi pronto anunciaremos quen son os bois billardeiros que se van enfrontar nista histórica chega retransmitida en exclusiva polas cámaras liséxicas de TELE-VARAL. Outro deporte xa está a ser posíbel!!

quinta-feira, setembro 13, 2007

O CABALO DE FERRO DO SERÁN PASA POR RIBA DAS CHAIRAS DA TRIBU QUIMBAMBEIRA!!

Comeza a conta atrás para que o vindiero domingo 23 de setembro a primiera billarda voe na pista da Anguieira no agradadísimo arrinque da SUPERLIGA GALEGA DE BILLARDA, iste mércores entre bágoas polo inminente cese de actividade nas Quimbambas da Radio Galega a voz da LNB adiantou en exclusiva para as nosas madriñas antes de que o tren do serán arrinque da estación , a nova estructura da competición e as datas claves para unha tempada que amiaza con espallarse polo país como o lume pola herva serca. Cos faxes botando fume por contratacións de última hora e incorporacións de novas franquicias á competición a LNB vai realizar ista tarde-noite o primeiro sorteo da tempada donde sairán os enfrontamentos face a face e a gran novidade da tempada, a primeira carreira da xornada , carreira patrocinada por DISTRIBUCIÓNS ANDURIÑA , distribuidor oficial da Cervexa San Miguel no NorLeste da Galiza , que exercerá de patrocinador oficial da carreira máis importante da xornada que TELE-VARAL emitirá en exclusiva para toda a tribu billardeira espallada polo mundo enteiro, peles roxas e siux da billarda contra o cabalo de ferro que aniquila a extrabagante e singular fauna que cada tarde habitamos na lagoa dos soños da república independente das Quimbambas.... eu non digo nada!!

segunda-feira, setembro 10, 2007

DOUS SETOS A CERO VENCE O COMBINADO LNB A UN EMERXENTE E PODEROSO EQUIPO DOS AMADORES DA MÚSICA


Espectacular enfrontamento o producido iste domindo 9 de setembro na pista de Ove entre os Amadores da Música e un Combinado LNB constituido especialmente para iste Torneo das festas patronais Ribadenses. Partido pactado a dous setos , a versión billardeira dos sets tenísticos que pese ó inicial empurre dos Amadores a combinado LNB impuxo a súa maior consistencia competitiva para vencer non sen apuros por dous setos a cero a un emerxente combinado dos Amadores da música e da billarda.
Tarde soleada para que os dous combinados , o da LNB e o dos amadores da música dirixidos pola batuta de ferro de Chema se batiran nun moi agardado duelo na pista polideportiva de Ove. A serpe multicor da LNB desprazouse reptando baixo o cabazo que dá acceso á pista de xogo para demostrar unha vez máis que outro deporte é posible. E coas bancadas repletas de siadeiros animando ós amadores e ó combinado LNB deu comezo o partido pactado a dous setos , a versión billardeira dos sets de tenísticos , o arrinque demoledor do combinado dos amadores deixou case sen alento ós expertos palandores e palandoras da LNB que vían como os seus representantes se desvanecín ante o empurre de xogadores do combinado internacional dos amadores con Franco , Daniel , Lourenzo e Diego como grandes intérpretes na pista da partitura técnica descrita por Chema antes do inicio da contenda.
Pero a medida pasaban os minutos e carreiras os membros do combinado-LNB semellaban non ser quen de atallar o furacán de xogo iniciado polos amadores, nen Ismael , O zidane da billarda era quen de aplacar as terribles embestidas dos amadores , foi como non podía ser doutro xeito , Calvete o experimentado palandor dos Sporting Petapouco quen inicio a remontada do combinado da LNB propiciada en grande medida por unha baixada no ritmo de efectivinade dos golpexos dos amadores.
Varados a contrarritmo , megáfonos anunciando que a revolución deportiva está en marcha e pancartas co lema "sempre nos quedará a música" amosaron o grande e probado compromiso dos amadores da música co deporte da billarda , a pé de pista tamén unha importante delegación da selección asturiana collendo recortes para tratar de vencer á auténtica sección galega a de billarda no seu xa próximo desprazamento a Avilés para desputar a 1º edición da COPA Cantábrica. A gran orquestra da LNB afinou en Ove os seus instrumentos para a partires diste 26 de setembro iniciar a gran xira da SUPERLIGA GALEGA DE BILLARDA que desembocará nun histórico play-off entre os mellores das dúas conferencias en xogo , a NorLeste e a NorOeste. Únete á serpe multicor da LNB!!

sexta-feira, setembro 07, 2007

COMBINADO LNB VS AMADORES DA MÚSICA

As festas de Ridabeo supoñen para a LNB a última GRAN proba de lume antes de afrontar unha histórica tempada billardeira, a máis esixente de todas as desputadas ate o de agora . Pero mentras non chega o pistoletazo de saída do 23 de Setembro para os deportistas da conferencia NorLeste , a pista de Ove vai ser a sede da primeira edición do Torneo de Billarda das festas patronais Ribadenses donde un combinado das estrelas da LNB capitaneado por Ismael O Zidane da Billarda se vai enfrontar ó espectacular e desafiante equipo dos Amadores da Música que por vez primeira pousan os instrumentos e empuñan os paláns . O duelo está marcado para as 17 h da tarde do domingo 9, prevese resaca en ambos bandos pero a furia e as ansias do debutante equipo das Amadores dirixidos porla batuta de Chema amiaza con facer un descosido ós expertos palandores e palanadoras da LNB , qué pensarán Pavarotti e Sid Vicius de todo isto?

quarta-feira, setembro 05, 2007

NACE A LNB-NOrOESTE!!


Absolutamente colapsados e sen palabras para expresar a emoción , fai uns meses durante a desputa do billarda all stars 2007 intuíase , agora xa é unha realidade, contitúese a LNB-NOROESTE, TELE-VARAL celébrao rescatando un histórico video no que Sak , un dos grandes loitadores e fundadores dista conferencia Noroeste se dirixe emocionado a toda a tribu billardeira dun e doutro extremo da Galiza reunidos nun histórico xantar despois do billarda all stars 2007!!
Xa está en funcionamento o seu espacio web e o seu correo de contacto a donde te tes dirixir para entrar en xogo, as dúas conferencias Leste e Noroeste coordinan calendarios para botar a andar nunha histórica edición da SUPERLIGA GALEGA DE BILLARDA que vai decidir o seu campión nuns play-offs billardeiros que enfrontaran ós mellores de cada conferencia nunha final que vai rachar todos os moldes posibles. TELE-VARAL prepárase tamén para distrubuír en exclusiva mundial as imaxes dista conferencia noroeste polo que os milleiros de afeccionados ó deporte da billarda no mundo poderán seguir en pechado na frecuecia da nosa t.v dixital as evolucións das grandes estrelas das conderencias Leste e Noroeste da mellor liga de billarda do mundo A SUPERLIGA GALEGA DE BILLARDA!!