O VARAL

EDITADO POLA LNB [ Liga Nacional de Billarda ] >>>>>> ovaral@hotmail.com

segunda-feira, fevereiro 09, 2009

COMPOSTELA INTIFADA BILLARDEIRA>>>NON ESTIVEMOS TOD@S , FALTARON OS DETIDOS!!


Fomos moitos os que desafiamos as lagañas para dende primeira hora diste domingo 8 realizar a tan desexada xornada de intifada Billardeira, e non fomos sós , dende o país veciño, Marta, Xuacu e Carlos esfolaron as fronteiras para ás 5:30 da madrugada arrincar dende Uvieu para seguindo as coordenadas de loita de irmandade entre o Liriu e a Billarda chegar á estación de bus de Ribadeu donde agardada a Guagua para adentrarse xunto cos compañeiros dos Bolos de Xove na tormenta rumbo a Compostela.


E no barruzo da mañá puxemos o noso grau e area no despegue do plan estratéxico na súa presentación oficial no pazo de exposición e congresos de Compostela donde os Furabolos e o poder do sur representado por Moisés , Rubén e unha nutrida representación da Asemblea Aberta encabezada por Santi agardaban cos brazos a bertos e os palans preparados á mítica guagua vermella encabezada por Carmiña e Calvete.

Xantar de irmandade preto do aeroporto donde a Guaga xusto antes de aparcar sentía tamén no lombo as xostradas do bilingüismo harmónico que a tan só uns km golpexaba e apreixaba a varios palanadores da LNB que por apoiar cos seu berros e co seu corpo o idioma da terra mollada remataban detidos na gaiola da sinrazón feixista.


Non estamos todos , faltan os presos!! era o sentimento unánime niste Aberto máis solidario ca nunca , cada golpexo da billarda contra o palán transmitía apoio ós compañeiros retidos a tan só uns metros de distancia na comisaría, transito de novas que acompañanban a cada recén chegado ó Pavillón de Fontiñas donde o Aberto se estaba desputando dende as 16 h. Sentimento de raiba masivo que fixo que os copos de apoio ós compañeir@s de Almuinha se foran enchendo de moedas para arrebolar os 10.000 céntimos de euros no concello de Marín, venda masiva de Billardas-Solidarias feitas por Santi que segundo as novas atopábase entre os apreixados xunto con outro militante da Conf. NorOeste.

A ista alturas da tarde a pista de Fontiñas estaba xa minada de Billardas-Solidarias para despois dunha maxistral xestión deportiva con implicación das 3 conferencias baixo a coordinación a doble pista sempre perfecta do sur , establecéronse os emparellamentos das roldas finais que desembocaron nunha espectacular final norte-sur entre Ginés e Moisés a pista completa , pavillón a rebosar e os focos e os centos de olladas chantadas nistes dous palanadores que plantexaron un dasenlace final ó mellor de tres carrieras


Empate a 1 no primeiro trinque e a morte súpeta colocou á Ginés dos potentes Remourelle Bulls no máis alto despois de dobregar a un moi atinado Moisés dos Culombios que en Campostela rendíu a un nivel impresionate ameazando ate o último suspiro o título diste Aberto, puido ser que o traizoaran os nervios e a presión abafante dun público totalmente entregado á causa para darlle chagüi a Ginés que con ista victoria fai pleno acadando o segundo título en Abertos de convocatoria Nacional da tempada e que ameaza con encher as vitrinas cun posíbel Hat Trick no Aberto do All Stars 2009 de Ourense.

Unha vez máis hai que felicitar en primeiro lugar a toda a xente do Novas da Galiza , compañeiros de viaxe sen os cales nunca iste nen moitos outros abertos poderían ser posíbeis, esforzo e compromiso coa independencia é a nosa condea , a Gentalha do Pichel que colaborou tamén para que ista xornada saíra adiante esquivando as minas no camiño que ameazaron con facer chimpar todo polo aire en calquera instante, a Xavier Rico , porque demostrou ser un valente acudindo á chamada da tribo LNB que pola mañá deixarara o seu berro no salón de actos do Pazo de Congresos , porque ó contrario do que moitos pudieran pensar a LNB demostrou saber estar á altura en todos os frontes nos que se implica.


Venceu Ginés un torneo Solidario con Palestina e cos Represariados no que unha vez máis demostramos, e o que é mais importante, demostrámonos o nós mesmos, que somos capaces de facelo. Non tememos as bombas en Gaza nen as xostradas do bilingüismo en Compostela porque Palestina vencerá e nós tamén.

2 Comments:

  • At 6:46 PM, Blogger Ghanito said…

    Sinto tentacións de criar unha lenda con isto porque din por aí que sendo detido fódese moito, porén como eu estou felizmente casado coa señora Colombo podo dicir a verdade:
    Ghanito non foi detido na manifa o domingo en Compostela.
    Entre outros moitos motivos, porque non estiven aló. :D
    Grazas ós que estivestes preocupados. :-)

     
  • At 11:53 PM, Blogger Espor d'Asturies said…

    les espores del CNL yá tan nu aire http://liriu.blogspot.com

     

Postar um comentário

<< Home