O VARAL

EDITADO POLA LNB [ Liga Nacional de Billarda ] >>>>>> ovaral@hotmail.com

quinta-feira, janeiro 29, 2009

8 de febreiro en Compostela>> ALMUINHA E PALESTINA EN CADA VARADO!!

Fai uns meses , a mediados do pasado mes e novembro facíase público a sanción á A.C Almuinha por parte da concellalía de medioambiente de Marin, dirixida con man de ferro pola edil do BNG Pilar Blanco , Almuinha coma tod@s sabedes é unha entidade integrada na LNB converténdose nun dos pilares fundamentais da dimámica Conferencia Sur , pois Almuinha aínda que pareza mentira , e despois de seren desestimados os recursos acaba de ser multada polo concello de Marin en mans do PsdeG-Bng , por cometer a temerosidade de pegar cartaces anunciadores do Torneo de Billarda e de concertos nas paredes da vila , e para colmo, o concello prohibíulles manifestarse diante no concello durante a celebración dun pleno para repartir infomación e pedir axuda popular para o pagamento da absurda multa.

A LNB vai unir o seu berro e a súa acción á loita emprendida por Almiunha pola libertade de expresión a todas luces mutilada en Marin convertindo o Aberto Nacional de solidaridade con Palestina e cos represariad@s do vindeiro 8 de febreiro en Compostela nun acto de apoio total ós compañeir@s de Almuinha , polo que haberá "CAIXA DE RESISTENCIA" para recadar os 100 euros da multa que serán abonados ó estamento municipal en bolsas nunha carretilla co importe total en céntimos de euro. Ademáis a LNB tentará facer chegar a multa ate as máis altas instancias do goberno galego para así tratar de conseguir a Amnistía Total de Almuinha e desenmascarar a cruzada represiva inicada en Marin contra os palandores e palandoras da LNB. Poderiamos dar un número de conta bancaria na que comodamente meter as vosas doacións pero tanto a LNB coa Almuinha cren moito máis importente doar un céntimo na caixa de resistencia a pé de pista que utilizar as estructuras do capitalismo salvaxe polo que vade gardando xa os céntimos e os euros para tentar que os irmáns de Almuinha só teñan que por a carretilla á hora da facer efectiva unha multa que nos implica a tod@s.

E para que todo o mundo sexa conscinete da gravidade do tema , reproducimos integramente o comunicado de protesta remitida por Almuinha ós medios: Vai um comunicado da A.C. Almuinha em relaçom as medidas repressivas que o Concelho de Marim (PSdeG-BNG) está a aplicar contra a nossa associaçom. O passado dia 19 de janeiro o Concelho comunicou-nos que a Almuinha foi sancionada a pagar umha multa de 100 euros por colar cartazes na rua (engadimos fotos com cartazes do Concelho). E hoje, 29 de janeiro, o Concelho comunica-nos verbalmente que nos prohibe fazer um pequeno acto de protesta diante do Concelho coincidindo com o vindeiro pleno.

O passado 19 de janeiro a A.C. Almuinha recebeu umha comunicaçom do Concelho de Marim na que se nos informa de que a nossa associaçom foi sancionada cumha multa de 100 euros por colar cartazes na rua. Desde a A.C. Almuinha queremos destacar a sorpresa que nos produze esta sançom, ao mesmo tempo que nom entendemos por que se toma esta medida repressiva, arbitrária, exagerada e injusta contra umha associaçom cultural que trata de trabalhar e organizar-se desde a base e com escasos recursos. Multar a umha associaçom cultural por colar ums quantos cartazes anunciando actividades culturais, sem advertência previa, cremos que nom aconteceu em ningúm lugar do nosso pais com anterioridade.

Consideramos que o Concelho de Marim nom está legitimidado moralmente para imponher sançons por colar cartazes na rúa. É imposível compreender como se sanciona a umha associaçom cultural por colar cartazes na rua quando o próprio Concelho os pom. Nos últimos meses, mentres o nosso expediente sancionador continuava adiante, o Concelho de Marim anunciava, por exemplo, as Xornadas Interculturais colando cartazes nas paredes e fachadas das ruas da nossa vila. A imposiçom da multa a A.C. Almuinha tendo em conta estes feitos parece umha autêntica burla.

Por outra banda, queremos denunciar a arbitrariedade total por parte do Concelho de Marim à hora de aplicar as normas municipais. Tanto a Policia Local como os/as responsáveis políticos do “governo de progresso” som responsáveis da arbitrariedade amosada neste assunto. Desde que entrou em vigor a Ordenanza em virtude da qual se nos sanciona por cometer umha infracçom grave, isto é, colar cartazes, na nossa vila colárom-se cartazes de todo tipo sem que conste que ninguém mais fosse ou vaia ser sancionado polos mesmos feitos. Estám-se a colar cartazes continuamente, o qual demostra que quem os cola nom foi sancionado: particulares que vendem pisos, casam ou dam clases particulares, entidades culturais, organizaçons políticas e sindicais, clubes desportivos, esquelas ou entidades privadas como discotecas, comercios, academias, restaurantes... Por que o Concelho de Marim (PsdeG-BNG) sanciona a A.C. Almuinha? Qual é o obxectivo?

Entendemos a imposiçom desta sançom por parte do Concelho de Marim como umha medida repressiva da que é o único responsável. Lamentamos que desde o Concelho de Marim nom exista unha maior comunicaçom e colaboraçom coas associaçons culturais e entidades sociais, que nom se establezam mecanimos para promover e facilitar tanto a participaçom da cidadanía e das entidades culturais e sociais como a democracia municipal, e pola contra se enviem multas e sançons. Supostamente, este concelho está interesado em fomentar o associacionismo, ou polo menos isso é o que se dixo ao comezar a legislatura actual, mas estas som as medidas que ponhem em marcha para acada-lo? Nom somos umha empresa privada que procura beneficios, somos um grupo de pessoas que, no nosso tempo livre e cos nossos quartos, pretendemos contribuir ao desenvolvemento cultural da nossa vila, à defesa da nossa lingua e cultura, à defesa do medio ambiente, à procura da igualdade entre as pessoas e os povos…

Consideramos que a Ordenanza limita e dificulta o trabalho das associaçons e entidades sociais do nosso concelho. Poderiamos entender os obxectivos da Ordenanza se, ademais de prohibir colar cartazes na rua, se estabelecessem lugares destinados a tal fim, mas o certo é que desde que se aprobou a Ordenanza em fevereiro de 2008 nom se habilitou ningúm espaço alternativo para que as associaçons e demais entidades poidam publicitar as suas actividades. Em Marim, em teoria, nom se podem colar cartazes em ningúm sitio, e malia que parece ser que a Ordenanza obedece a motivos medioambientais e estéticos, o que si está a provocar na práctica é umha restricçom de direitos fundamentais, como a liberdade de expressom, e limita a capacidade de comunicaçom das organizaçons culturais e sociais que nom tenhem grandes recursos económicos. Por outra banda, as sançons som desorbitadas e nom tenhem em conta a capacidade económica do “infractor”, nom diferenciando por exemplo umha associaçom cultural dumha empresa privada, nim o número de cartazes colados.

Também queremos destacar a existência dumha irregularidade importante no procedemento sancionador. Por se o procedemento nom fosse o suficientemente esperpéntico, a alegaçom da A.C. Almuinha à proposta de resoluçom nim tam sequera foi tida em conta. Na comunicaçom recebida na que se nos comunica a sançom indica-se que a nossa associaçom nom alegou à proposta de resoluçom que recebimos o 9 de Dezembro, mas isto é completamente falso, posto que o dia 24 de dezembro apresentamos, dentro do praço estabelecido, no registro do concelho a alegaçom (da qual temos cópia selhada, por suposto). A nossa segunda alegaçom nom foi tida em conta à hora de resolver por irregularidades no procedemento.

Por último, tras o conhecemento da sançom, a Almuinha comunicou-lhe ao Concelho o 27 de janeiro a intençom de celevrar 2 actos informativos e de denuncia desta multa. Um deles seria coincidindo com o vindeiro pleno diante do Concelho, mas hoje nos comunicarom que nos prohibem fazer qualquer tipo de acto às portas do mesmo. O único que pretendiamos fazer é ponher umha mesa, repartir panfletos denunciando a actitude do Concelho, e recadar dinheiro para afrontar o pagamento da multa, mas depois de preguntar-nos (por telefone) em que consistia o acto e a informaçom que se pretendia transmitir, prohibem-nos fazer o acto. Com esta decissom o Concelho pretende vulnerar o direito de reuniom, para o qual nom fai falta autorizaçom, senom comunicaçom previa às autoridades, que tam só poderám prohibir os actos quando existam raçons fundadas de alteraçom da orde pública, assi como também fai uso da censura previa, algo completamente ilegal, posto que nos preguntarom pola informaçom que pretendiamos transmitir. Se esta informaçom fossem loubanças ao Concelho, também seria prohibida?

Queremos, e já para rematar, anunciar que a A.C. Almuinha vai comezar umha campanha de denuncia desta sançom e da actitude repressora do Concelho. Consideramos esta sançom como umha medida repressiva, arbitrária, injusta e esagerada por parte do Concelho, e nom imos ficar impasíveis nim imos aceitar que se nos sancione por estes factos e nim sequera nos permitam denunciar o comportamento do Concelho cara a Almuinha, nom imos consentir que se lhe ponham trabas e problemas ao trabalho da nossa associaçom. Nom entendemos qual é o obxectivo nim os motivos que levarom a que este procedemento se puxe-se em marcha, sem aviso previo nim colaboraçom de ningúm tipo por parte do Concelho de Marim, polo que consideramos totalmente incalificáveis estas medidas.

Durante o ano de vida da A.C. Almuinha vimos trabalhando na defesa da nossa lingua, da nossa cultura, estamos implicados/as na promoçom de jogos tradicionais como a bilharda, da nossa música (ofertando cursos de pandeireta, gaita e baile tradicional), do nosso patrimonio arqueológico, do meio ambiente, estivemos presentes nas manifestaçons de defesa do meio ambiente e contra a permanência de ENCE na nossa ria, participamos na vida social da nossa vila, aportando as nossas opinions, como foi o caso do troco de nome do Instituto, ou organizando roteiros… e todo cos nossos medios, sem contar até o dia de hoje com moita colaboraçom do concelho; certo é também, e todo hai que dizer, que poucas cousas solicitamos até o día de hoje. Mas o que si pedimos é que nom se ponham trabas ao nosso trabalho. Realmente nom entendemos como um concelho pode sancionar a umha associaçom por colar cartazes, sem ningúm tipo de aviso previo; é algo que amosa umha nula capacidade de comunicaçom e colaboraçom co associacionismo da nossa vila, ou quando menos, coa nossa associaçom.

Marim, a 28 de janeiro de 2009

quarta-feira, janeiro 28, 2009

ACUTO ANUNCIA QUE O GRAN VENDAVAL DO LIRIU VAI AZOUTAR TODA ASTURIES!! [preme]

Como levados pola intuición da extraordinaria portada do Anuariu de Música Asturiana que de xeito gratuito distribúen en todo o país veciño o referencial semanal Les Noticies, Radio Varal utilizou unha disas K7s para captural un novo estalo producido no programa irmán ACUTO que exercendo tarefas de doutor tomou o pulso unha vez máis á gran revolución do Liru que vai tomando forma e ensinando os dentes. Como di Carlos na súa gran locución , o inverno é tempo de pausa para o deporte tradicional no páis veciño, pero os aborixes do Liriu , coma nós non obedecen a estereotipos e co impulso do devastador vendaval preparan o inicio do gran proxecto que obedece ó nome de Campeonatu Nacional de Liriu, que de xeito inminente estár artellando o inicio da súa andaina. Xuacu un dos responsábeis de CNL e da franquicia con sede en Uvieu, Espor[a] estivo en Acuto , sinte aquí o seu alento preludio absoluto do gran vendaval do Liriu que vai azoutar toda Asturies!!

8 de febreiro >> COMPOSTELA , PALESTINA EN CADA VARADO!!

E se en Asturies as machorras están en alto, en Palestina as bombas continúa ameazando á populación polo que podemos confirmar que para o vindeiro domingo 8 de febreiro ás 16 h. na pista de basket do Parque de Galeras en Compostela vai celebrarse o Aberto Nacional Solidaridade con Palestina e cos represariad@s , polo que ide tomando nota xa que agardamos unha masiva afluencia de persoal disposto a loitar cos paláns e billardas contra a masacre das bombas de ultima xeración israelís. Iste Aberto suspende temporalmente a xornada regular no NorLeste ate nova ubicación no calendario , pregamos desculpas e chamamos á masiva afluencia a Compostela de todos os palanadores e palanadoras do país para coverter Compostela nunha Gaza minada de billardas contra o imperialismo. Atención ás pantallas porque en breve poremos o programa de actos completo para isa xornada do domingo 8 de febreiro máis os colectivos que se suman a ista gran festa de apoio ó pobo Palestino e á revolución da Billardeira.

segunda-feira, janeiro 26, 2009

CON FACHOS , A LNB CONTINÚA O SEU AVANCE SOBRE OS ESCOMBROS DE CONFUSIÓN DUN PAÍS A ESCURAS!!


Ás apalpadas aínda despois do tremendo vendaval, a LNB retorna camiñando na escuridade sobre os escombros de confusión , coa ollada posta no espectacular e explosivo 1º Aberto Nacional solidaridade con Palestina a celebrar en Compostela o vindeiro domingo 8 de febreiro, é por elo , que se está a estudar fechas para a próxima xornada na Conferencia Norleste mentras que iste domingo 1 de febreiro a Conferencia NorOeste se dispón a desputar unha nova e agardada enganchada regular na que os Furabololos tentarán asaltar do liderato en poder dos todopoderosos Xarutos.

quinta-feira, janeiro 22, 2009

FOTO-VARAL APRESENTA A 1º GRAN RESTROSPECTIVA BILLARDEIRA: PREME E DESCUBRE Nachok feat LNB !!

Se aínda estás recuperándote do tremendo video-estalo épico prepárate para seguir flipando , porque en exclusiva mundial apresentamos a colección fotográfica feita por Nachok co que mostra a todas luces a seu fervente apoio a ista revolución sen volta atras. Nunha extraordianario mutación o Foto-Varal convertese nisa galería de arte das marxes para acoller a explosiva retrospectiva billardeira diste artista experimental galego que se uníu ás tribu niste último asalto do Norleste producido en Vilamar. E como en cada galería , atención ós títulos que acompañan cada foto para favorecer a súa total inmortalidade. Korda e Nachok, as pegadas dunha revolución en marcha!!

quarta-feira, janeiro 21, 2009

AMENCER MARELO: TOÑO RANDEEIRA PROTAGONIZA EN TELE-VARAL O GRAN VIDEO-ESTALO ÉPICO!!


Cunha espectacular B.S.O, TELE-VARAL apresenta o primerio video-estado épico na historia dista cande que racha moldes agora tamén históricos, acompañados polo zoar do vento da libertade de Vilamar , Juan Pico entrevista a Toño Randeeira , ise Breakheart da LNB responsábel absoluto xunto co temporalmente exiliado Sak do poderoso Amencer Marelo que invade totalmente á tribos salvaxes da LNB. Dragóns e Leons enfrontados sobre un fondo Marelo , Toño sácanos de dúbidas e exerce de perfecto guia suevo ante un Juan Pico que de xeito maxistral comunica á tripulación que ise será , dende agora , un dos símbolos identificativos da loita LNB. Adiante Amencer Marelo!!

terça-feira, janeiro 20, 2009

A LNB APOIA PUBLICAMENTE A CAMPAÑA "BUENO" COMO INTERXECCIÓN EN GALEGO!!


Dende o explosivo web do Alema , púxose en marcha unha espectacular e moi necesaria xa campaña a prol da consideración de "bueno" como interxección en galego , durante o estalo televisivo da LNB que podedes ver íntegro akí , os palanadores fixeron uso e abuso do termo amosando ás claras a loita tamén nas pistas da LNB a prol da oficialidade diste travestismo lingüistico.


  1. Non hai unha expresión equivalente a outra do galego (nin 'ben', nin 'bo', nin 'vaia'… son o mesmo ca 'bueno')
  2. 'Bueno', como interxección (non como adxectivo), é de uso universal por parte dos galegofalantes (ninguén escapa dela)
  3. O galego deulle unha dimensión diferente a 'bueno', mesmo maior á do castelán (como se di, por exemplo, "bueno, carallo, bueno" en castelán?)
  4. 'Bueno' ten presenza constante na literatura en galego (emprégase, segundo o TILG, desde hai 130 anos e ata Castelao usaba habitualmente 'bueno')
  5. A RAG admite os castelanismos "tortilla", "bocadillo", "habanera", etc. "Bueno" úsase moito máis e non ten entrada nos dicionarios.
Actualmente estase levando a cabo unha campaña de presión para conseguir este obxectivo, á que calquera se pode sumar en http://causes.com/bueno.

segunda-feira, janeiro 19, 2009

OS BÍTERES E O CAZADOR DE PALABRAS PROTAGONIZAN A GRAN NOVA NACIONAL DA XORNADA!!


Desafiando as xélidas temperaturas , a gran tribo da LNB tomou a ceo aberto a mítica pista de Vilamar , no concello lugúes de Barreiros , para afrontar nun novo asalto da liga regular da Conferencia Norleste . Multitudinario asalto que confirmou ós Remourelle Bulls na clasificación xeral por equipos e que marcou o rexurxir dos Bíteres , das cinzas dos históricos "Petapouco" , ista franquicia na que militan auténticos mitos diste noso deporte: Carmiña, Calvete, Ana , Servando e Bixi dan un tremendo acelerón no seu ferrari que os sitúa de 4º na xeral por equipos sen necesidade de entrar de novo en boxes. As clasificacións e análise da trepidande xornada xa á túa disposición no web oficial do Norleste .

CAZADOR ....CAZADO!!

E se iste xoves non puideches ver o explosivo estalo LNB no "Cazador de Palabras" da Galega , TELE-VARAL lanzou a frecha e capturou a peza!!

sexta-feira, janeiro 16, 2009

2º ASALTO: PARTIDOS ÍNTEGROS DA LNB NA "GALEGA TDT" XA !!

Trepidante inmersión televisiva da LNB no impactante estreo do Cazador de Palabras, o novo programa da Galega que arrincou cunha forza inusitada tomando coma pilares de arranque a Tribu-LNB e ós irmáns da Loita Galega , dúas disciplinas que amosaron, como moi ben dixo Matías durante a presentación , a súa urxente consideración de deportes porque a naide lle escapa xa, que hai moito tempo que isto deixou de ser un xogo. Rescatamos ademáis unha espectacular instantanea na que dous palanadores da LNB , entre carreira e carreira, botan unha loita galega tentando facer feixe un ó outro , xa son moitas as voces que berran por un encontro de ambas disciplinas nunha mesma pista , se xa foi impactante aquel mítico encontro nas páxinas do especial d´aquela A Nosa Terra , agora ista alianza televisiva fai afondar aínda máis uns profundos lazos de unión.

E atención porque ó igual que moitos palanadores e palanadoras van estar ista noite a partires da 1 da madrugada sintonizando coa Galega TDT para ver o combate do púxil galego Ivan Pozo fronte ó francés Christophe Rodrigues na LNB esiximos e imos loitar coa mesma intensidade que Iván saca os puños polo campionato europeo do peso mosca para que a Galega TDT retransmita "integros" partidos de billarda das grandes finais nacionais ó igual que vai emitir o gran combate dista noite, preludio perfecto dos golpes que na pista de Vilamar ( Barreiros) iste domingo 18 a partires das 16 h . se van producir por manter os lideratos por equipos e individual na enganchada regular da Conf. NorLeste que inaugura un novo ano billardeiro, atención... indispensábel saltar ó ring Vilamar equipado con protección nos dentes!!

quarta-feira, janeiro 14, 2009

ISTE XOVES A LNB NA GALEGA NO ESTREO MUNDIAL DO "CAZADOR DE PALABRAS"


Despois do record de asistencia absoluto acadado en Vigo como se amosa no espectacular o Foto-Varal do Torneo a serpe multicor retorna ás terras do norte para iste domingo 18 afrontar un novo asalto da liga regular no Norleste a partires das 16 h no agardado retorno á mítica pista de Vilamar ( Barreiros) , e que mellor forma de celebralo que sintonixando iste xoves coa Galega que ás 21:30 h estrea novo programa chamado O CAZADOR DE PALABRAS adicado niste seu primeiro capítulo ós deportes e donde se poderá ver á indomábel tribu LNB afiando lanzas e billardas na sempre perigosa selva do NorLeste. Pega os fuciños á pantalla e despois arrebola a TV pola fiestra!!

segunda-feira, janeiro 12, 2009

OS PAQUETE PINCHA IMPOÑEN A SÚA LEI NO MULTITUDINARIO ABERTO DE VIGO!!



Vigo foi como se prevía a confirmación absoluta que os records están para racharse, se moitos botaban as mans á cabeza por aquela inmensa nóminda de apuntados no mítico Torneo de Moaña , agora qué facerán cando se enteren que xa se superou o números de palanadores e palanadores nun campionato LNB establecendo a marca nun estratosféricio número de 73 activistas billardeiros dispostos a desafiar as temperaturas baixo cero como a que se produxo no pavillón Monte d
a Mina en Castrelos que consagrou ós Paquete Pincha coma gran referente nista Conferencia Sur que medra e se reproduce coma os coellos , espectacular nova a da incorporación dunha nova franquicia á competición , os compañeir@s do Guindastre que fai pouco estreaban centro social no barrio de Teis non desaproveitaron que a serpe multicor da LNB estaba na cidade para estrear tamén franquicia billardeira .



Moi especial mención á espectacular organización e implicación dos compañeiros da Faísca e á delegación dos Furabolos do Pino , coñecidos e recoñecido xa en todo o páis pola súa faceta nómade, arribaron en Vigo para amosar no sur tamén a súa tremenda pegada. Paso obrigado polo web oficial da Conf. Sur para coñecer todas as incidencias dun aberto vigués no que os Paquete Pinchas por
equipos e en individual con Pablo e Amil monopolizando a final impuxeron a súa lei. Só Rubén dos Lideira foi quen de rachar co podería dos Paquete vencendo no concurso de paláns nun espectacular formato que podermos ver no explosivo video de TELE-VARAL.


Entre bombardeos e golpes nas costas , coma as espeluznantes imaxes que amosamos niste foto-documental do acoso policial que vairos palanadores da Conf. NorOeste sufriron depois do Aberto da Auténtica na Coruña, a tribo do Sur toma alento coa ollada posta no seguinte torneo do 14 de febreiro en Budiño (O Porriño), organizado coa colaboración da Asociación Cultural A Forna.


Mentras no NorLeste as principais franquicias concentrar ós seus palanadores e palanadoras para iste domingo 18 asaltar a pista de Vilamar no concello de Barreiros.


E Atención porque para o sábado 31 a LNB traballa para a realización dun Grande Aberto Nacional , iremos informando ....Atentos ás pantallas!!

sexta-feira, janeiro 09, 2009

VIGO ACOLLE A PRIMEIRA GRAN INTIFADA BILLARDEIRA DO ANO!!

Sen tregua posíbel a LNB amosa os puños de novo niste combulso inicio de ano convertindo Vigo na cidade elexida para iste novo embite na dinámica Conferencia Sur que dende a mañá diste sábado ate o lusco e fusco vai converter o pavillón do Monte da Mina de Castrelos nunha zona sitiada polo lanzamento de misis katiusha e billardas en apoio á causa Palestina. Atención porque ó ser formato Aberto e como os torneos comúns xa están chamando á porta dende o NorOeste xa anunciou a súa presenza unha delegación dos poderosos Furabolos do Pino que xunto cunha posíbel presenza de elementos do NorLeste van converter iste torneo na cidade Olívica nun fervedoiro entre fraccións rebeldes loitando primeiro polo espectacular Torneo de Paláns, o que popularmente se coñece coma varados pero que niste torneo Vigués vai ter unha serie de billardas postas nunha raia de semicírculo imitando tal cal os carriños coas bolas de basket situados ós 6,25. E despois do xantar nas mesmas trincheiras do Pavillón , loita fraticida na pista nun aberto que se prevé multitudinario. Contra o bombardeo do Pobo Palestino , fabas , paláns e billardas!!

PROGRAMA I ABERTO DE BILLARDA DE VIGO:

O sábado 10 será o día. O pavillón do Monte da Mina en Castrelos será o lugar. Ao programa que preparou o Local Social Faísca non lle falta detalle, así que aquí volo expoñemos con detalle:

- 11 h. Obradoiro de billarda: Aprendizaxe e adestramento asesorado por expertos palanadores da LNB.

- 12 h. Concurso de paláns: Espectacultar versión no deporte da billarda do concurso de triplas do All Stars da NBA. Preparádevos para esta nova modalidade de billardismo extremo que se estrea en Vigo e para que a xente de Faísca ten reservados premios para os gañadores.

- 14 h. Receso para xantar. Haberá un xantar aberto alí mesmo no pavillón. O menú: fabada (tamén haberá versión vexetas), pan, viño, postre e chupiños, todo por 8 euros! Os que queiran quedarse a comer que avisen canto antes no correo zevianagz@gmail.com para poder facer un cálculo de cantidades. Se sobra algo non importa… pero que non falte!

- 16 h. 1º Aberto de billarda de Vigo, puntuable para a LNB Sur. Será a hora da competición oficial, e é necesaria esquisita puntualidade. Fontes ben informadas aseguran que os premios desta xornada están confeccionados a base de marisco, así que se non vos chegou o que comestes no nadal, aquí tedes a última oportunidade de marcarvos unha enchenta!!

quarta-feira, janeiro 07, 2009

VIGO , A MAIOR CIDADE GALEGA RECIBE Á GRAN SERPE MULTICOR DA LNB!!

A partires do vindeiro sábado 10 e por obra e graza dos compañeiros do C.S Faísca e da Conf. Sur da LNB, Reixa terá que sumarlle un verso máis ó poema que fai moitos anos adicou á súa cidade,

Vigo, Gaza misiles kazzan e Billardas !!

CIDADE - A. Reixa

vigo, xa teño estado eiquí noutro sitio
vigo verbo de mirar e non ver nada
vigo sen vivir en min
vigo beirut en cada estoupido líbano
vigo: muller barbuda
vigo, os dedos de fingers yaveh tiñan artrose en pegada e ría
/
vigo: placenta de maná centrífugo
(o nacemento de vigo non é o belén da caixa de aforros)
vigo, os pastores do belén da CAV de tan hebreos son sionistas
/
vigo nazareno (o cristo da victoria era de ourense)
vigo de grúas asombradas, vigo: lumpen salitre, vigo: bacallau
/
vigo, en ti escarrancharon o desexo, os tranvías e os poetas épicos
/
vigo: empanada de cebola
vigo é un campamento de refuxiados en territorio ocupado
/
vigo de vigueses de viguesas de portuguesas que fan o francés
/
vigo: ourensáns, vigo: chacho, vigo: barato, barato
vigo: peronismo de praias
vigo, o atlántico é unha piscina
vigo quere dicir vosoutros non sodes nosoutros
verso nº 20: vigo está feito do menisco dun mamut


Antón R. Reixa

segunda-feira, janeiro 05, 2009

2009 PON EN MARCHA O PROXECTO GLOBAL DA LNB, O GRAN RETO : O LIBRO-DISCO!!


Arrincamos o ano cunha inusitada forza, o tan desexado proxecto global da LNB orientado á producción do Libro-Disco comeza a tomar forma da man , nada máis nen nada menos , de Santiago Jaureguizar que do seu puño e letra pasounos un espeluznante relato-curto de zombis e billardas que abre camiño a toda unha serie de estalos literarios que acompañarán ós temas de apoio á revolución billardeira que os mellores grupos do país xa están moulando nos seus locais de ensaio. Chamada pois a todo o poder criativo inmerso no LNB , se Santi deu o primeiro paso dentro dentro da nómina de escritores sen medo a represarias, Toño Randeeira , un absoluto mito dentro da LNB que retorna ó ring co seu espíritu de palanador criativo e indomábel , tamén aportou un explosivo estalo literaio que vai formar parte dise poderoso libro de retais de luxo. Atención pois , membros da LNB que militen no eido musical ou con inquedanzas literarias agardamos os vosos estalos para armar iste poderoso e inaudito puzzle que vai arrincar os chantos que dividen os suores e a cultura de vangarda, Agardamos polas vosas achegas!!

sexta-feira, janeiro 02, 2009

ENTREVISTA EXCLUSIVA DE TELE-VARAL NO KOTILHOM DE BURIL APOANDO A HORA-NH!!

A ENTRADA DE ANO EN HORARIO NATURAL GALEGO, ISA FOI A CONSIGA DOS IRMÁNS DE BURIL E TELE-VARAL DESPRAZOU UN COMANDO ITINERANTE ATE O KOTILHOM BURELÉS DONDE AS BADALADAS SOARON COLPEXADAS POLOS COIOS DA RESISTENCIA HORARIA.IMPRESIONATE O VIDEO ALÍ ESTREADO E IMPRESIONATE AS VERBAS NA PORTA DO PUB TIRA MILLAS DO LEITOR DO COMUNICADO QUE NUN ACTO DE VALETÍA SUPREMA DÁ A CARA EN EXCLUSIVA PARA AS CÁMARAS DE TELE-VARAL



Sexan uvas pasas, sorbiños de licor café ou anacos de pan con touciño pero que sexan á nosa hora, iso enteron tod@s os que acudiron á chamado do colectivo buril para celebrar a entrado do aninovo na denominada Hora-NH . Atención ó seu web porque xa se pode ver o espectacular video que estrearon no Kotilhom , impresonante!!



Dende as 12 o mellor da cada casa foi chegando ó Tira Millas , Sei o que nos figeches , o Lindín-Power e a LNB estaban alí plantados dispostos a sincronizar os reloxos de area co Colectivo Buril.



A xente de Buril nos estivo soa nista poderosa acción de entrada no aninovo, carros desprazados dende varios puntos de toda a mariña encheron o Pub Tira Millas que tivo que facer incluso un pase á 1 h da mañá en horario NH para que todos os retrasados puideran sentir as badaladas niste caso en horario Cabo-Verdián e poder ver o espectacular video preparado para ocasión, un explosivo estalo que vai dar moitísimo que falar!!



Puños en alto nun Kotilhom reivindicativo no que se pedíu a berros a imnersión horaria non só para Burela senón para o país enteiro , sincronicémolos reloxos coa Hora-NH!!